Presidenti i Malit të Zi, Jakov Millatoviq, tha se turizmi malazez është rimëkëmbur plotësisht. Ai theksoi se rritja e pagave pritet për të ndalur migrimin e punëtorëve tanë në Bashkimin Evropian.
“Të ardhurat nga turizmi i huaj tashmë janë në nivelin e 120 milionë eurove dhe janë dyfish më të larta se viti rekord i 2019-ës në tremujorin e parë, thuhet se ky sezon, nëse trendi i tij vazhdon që në fillim, do të jetë historik,” tha ai.
Kur bëhet fjalë për fuqinë punëtore, Millatoviq tha se është realiste që të rriten pagat për të ndalur migrimin e punëtorëve në Bashkimin Evropian dhe mbajtjen e fuqisë punëtore.
“Unë mendoj se sektori privat do ta kuptojë dhe do ta vërë shpejt në fokus. I njëjti sektor privat do të përfitojë nga një sezon i mirë dhe rritje e aktivitetit ekonomik,” tha ai.
Presidenti beson se Mali i Zi ka ndërtuar një bazë të mirë në një ekonomi të qëndrueshme.
