Qeveria e Malit të Zi në seancën e sotme ka miratuar Vendim të ri për përcaktimin e listës bazë dhe plotësuese të barnave.
Siç thuhet në njoftimin e Qeverisë, lista e barnave është zgjeruar duke përfshirë 16 barna të reja që përdoren në trajtimin e sëmundjeve neurologjike, infektive, autoimune dhe onkologjike, si dhe sëmundjeve të tjera.
Siç thanë ata, lista e re tani përfshin opsione shtesë terapeutike për trajtimin e lupusit, sklerozës së shumëfishtë, kancerit të gjirit, kancerit të mushkërive, kancerit të prostatës, si dhe për trajtimin e leukemisë, astmës dhe sëmundjeve pulmonare obstruktive kronike, infeksionit HIV, si dhe terapi suplementare për pacientët në dializë.
Gjithashtu, Qeveria thotë se tani e tutje janë në dispozicion dy antibiotikë të rinj rezervë, të cilët përdoren në trajtimin e infeksioneve të komplikuara.
“Përditësimi i rregullt i Listës së Barnave përmirëson ofrimin e kujdesit shëndetësor duke ofruar mundësi moderne terapeutike që përfshijnë barna cilësore, efektive dhe të sigurta, të cilat lëshohen me shpenzimet e Fondit të Sigurimeve Shëndetësore. Në bazë të Dekretit për kriteret për vendosjen e barnave në Listën e Barnave, është planifikuar të miratohet një listë tjetër e barnave deri në fund të vitit 2024”, thuhet në njoftim.
