Prej ditës së enjte, mjekët pediatër të përzgjedhur të Qendrës Shëndetësore të Kryeqytetit do të vazhdojnë punën e tyre të rregullt në objektin shëndetësor Nova Varosh, ndërsa në fundjavë nga ora 07:00 deri në orën 21:00, mjekët pediatër të përzgjedhur do të ofrojnë shërbime për qytetarët tanë më të vegjël në “Bllok V”, thonë nga institucioni shëndetësor.
Qendra Shëndetësore e Kryeqytetit i dërgoi një letër falënderimi Bashkimit Evropian (BE) dhe UNICEF-it për dhurimin e njëmbëdhjetë kondicionerëve të rinj për shkak të një defekti të sistemit qendror të kondicionimit në objektin shëndetësor “Nova Varosh”.
“Këto aparatura do të përmirësojnë ndjeshëm kushtet e pacientëve dhe do të lehtësojnë punën e stafit mjekësor gjatë ditëve të nxehta”, thanë ata.
Sipas tyre, ky është një shembull tjetër se si mbështetja e organizatave si BE dhe UNICEF mund të kontribuojë në përmirësimin e kujdesit shëndetësor dhe cilësisë së jetës së komunitetit.
Qendra Shëndetësore e Kryeqytetit kërkoi mirëkuptimin nga qytetarët, pasi siç thonë ata, “së shpejti presim trajnime për funksionimin normal të pjesës tjetër të objektit, me kapacitet të plotë”.
“Çdo iniciativë që synon përmirësimin e kujdesit shëndetësor dhe ofrimin e kushteve më të mira për pacientët meriton falenderim dhe mbështetje. Faleminderit edhe një herë BE-së dhe UNICEF-it për një kontribut kaq të rëndësishëm”, thanë nga Qendra Shëndetësore e Podgoricës.
