Komisioni Shtetëror i Zgjedhjeve bëri të ditur se 4.338 nënshkrime të votuesve janë numri minimal i nënshkrimeve për të mbështetur listën zgjedhore për zgjedhjen e deputetëve të Kuvendit të Malit të Zi në zgjedhjet që do të mbahen më 11 qershor 2023.
KSHZ-ja thekson se për partitë politike ose grupet e votuesve që përfaqësojnë një popull pakicë ose një bashkësi kombëtare pakicë, lista zgjedhore për zgjedhjen e deputetëve mund të vendoset nëse me nënshkrimet e tyre e mbështesin së paku 1.000 votues dhe e shfrytëzojnë të drejtën nga neni 94 paragrafi 2 i Ligjit për zgjedhjen e këshilltarëve dhe deputetëve.
“Për partitë politike ose grupet e votuesve që përfaqësojnë një popull pakicë ose një komunitet kombëtar pakicë me pjesëmarrje deri në dy për qind të popullsisë së përgjithshme të Malit të Zi sipas rezultateve të regjistrimit të fundit të popullsisë, lista zgjedhore për zgjedhjen e deputetëve mund të të themelohet nëse me nënshkrime e mbështesin së paku 300 votues”, thuhet në njoftim.
Sipas KSHZ-së, ligji për zgjedhjen e këshilltarëve dhe deputetëve parasheh që lista zgjedhore për zgjedhjen e deputetëve të Kuvendit të Malit të Zi mund të vendoset nëse së paku 0.8 për qind e votuesve në njësinë zgjedhore e mbështesin me nënshkrime, duke llogaritur sipas të dhënave për numrin e zgjedhësve nga zgjedhjet që i paraprinë vendimit për shpalljen e zgjedhjeve.
“Zgjedhjeve për zgjedhjen e deputetëve të Kuvendit të Malit të Zi, të cilat do të mbahen më 11 qershor 2023, u kanë paraprirë zgjedhjet për zgjedhjen e Presidentit të Malit të Zi në vitin 2023, në të cilat, bazuar në vendimin për mbylljen e në listën zgjedhore, në listën zgjedhore janë regjistruar 542.154 votues. Duke zbatuar nenin 43 të Ligjit, gjegjësisht 0.8 për qind nga 542.154, është përcaktuar se numri minimal i nevojshëm i nënshkrimeve të votuesve për të mbështetur listën zgjedhore për zgjedhjen e deputetëve në Kuvendin e Malit të Zi është 4.338”, përfundon KSHZ.
