Foto: Qeveria e Malit të Zi / Vlada Crne Gore
Qeveria e Malit të Zi realizoi 53.7% të aktiviteteve të planifikuara në gjashtëmujorin e parë të vitit 2025.
Sipas Raportit Zyrtar të realizimit për tremujorin e parë dhe të dytë të vitit 2025, Qeveria e Malit të Zi realizoi 53.7% të 229 aktiviteteve të planifikuara.
Ministritë më efikase janë Ministria e Zhvillimit Ekonomik e drejtuar nga ministri Nik Gjeloshaj (95.2%) dhe Ministria e Transportit (90%).
Ministria e Arsimit, Shkencës dhe Inovacionit arriti 86.7%, ndërsa Ministria e Planifikimit Hapësinor (75%) dhe Ministria e Çështjeve Evropiane (83.3%) realizuan detyrat e tyre.
Nga ana tjetër, Ministria e Diasporës (0%), Ministria e Kulturës dhe Medias (0%), Ministria e Sportit dhe Rinisë (0%), si dhe Ministria e Kujdesit Social (0%) nuk arritën të realizojnë asnjë aktivitet.
Veçanërisht shqetësuese është performanca e ulët e Ministrisë së Punëve të Brendshme, e cila realizoi vetëm 47.1% të detyrave të saj, duke qenë nën mesataren prej 54.8% të Komisionit për Sistemin Politik.
Duke pasur parasysh rëndësinë e kësaj ministrie për sigurinë dhe administratën, është i nevojshëm përmirësim në menaxhim dhe koordinim për të rritur efektivitetin.
Vlen të përmendet se një vit më parë, gjatë sezonit turistik, Qeveria u riorganizua, duke përfshirë partitë e reja dhe duke e rritur numrin e anëtarëve në 32, duke e bërë një nga qeveritë më të mëdha në rajon.
