Mali i Zi duhet urgjentisht të sigurojë para për financimin e objekteve të reja shkollore dhe parashkollore, si dhe për pajisjen e duhur të të gjitha shkollave me teknologji të reja, tha zyra e UNICEF-it në Podgoricë. Sot, në botë po shënohet 24 janar – Dita Ndërkombëtare e Arsimit. Me këtë rast, UNICEF-i lëshoi një thirrje globale për investime urgjente në arsimimin e çdo fëmije dhe paralajmëroi drejtuesit e sektorit publik dhe privat se kompanitë dhe sektori publik së shpejti do të ballafaqohet me mungesë të fuqisë punëtore të arsimuar nëse nuk e trajtojnë krizën arsimore.
