Nga viti shkollor 2024/2025, mësimi CLIL do të ofrohet në 12 paralele të para në shkollat fillore në Mal të Zi, njoftoi Ministria e Arsimit, Shkencës dhe Inovacionit.
Duke përdorur qasjen CLIL (Content and Language Integrated Learning), nxënësit do të ndjekin një pjesë të orëve të rregullta në gjuhën angleze gjatë të ashtuquajturës lëndët mësimore jogjuhësore si: (Matematika, Natyra dhe Shoqëria, Kultura muzikore, Arti figurativ dhe Edukata fizike).
Qëllimet kryesore të kësaj qasjeje janë zhvillimi i motivimit dhe qëndrimi pozitiv ndaj mësimit të anglishtes si gjuhë e huaj, forcimi i vetëbesimit kur shprehet në një gjuhë të huaj dhe ekspozimi më i madh ndaj gjuhës angleze gjatë orëve të mësimit.
Ministrja Jakshiq-Stojanoviq theksoi rëndësinë afatgjatë të kësaj qasjeje në punën edukative-arsimore me nxënësit e klasave të ulëta të shkollës fillore.
Ajo i njoftoi mësimdhënësit e pranishëm se Ministria do të sigurojë që ata të ndjekin programin e përmendur trajnues dhe në periudhën e ardhshme është planifikuar zhvillimi i udhëzuesve/manualeve si mbështetje shtesë në punën e tyre.
