Foto: Predsjednik.me
Presidenti i Malit të Zi Jakov Millatoviq organizoi mëngjes pune me një delegacion biznesmenësh francezë të kryesuar nga drejtori i përgjithshëm i MEDEF International, Philippe Gautier, i cili ndodhet për një vizitë zyrtare në Mal të Zi.
Ai vuri në dukje se Mali i Zi ofron një mjedis atraktiv dhe të qëndrueshëm të biznesit me një sistem tatimor konkurrues, si dhe kushte të barabarta për investitorët vendas dhe të huaj.
Presidenti, siç thuhet në deklaratë, theksoi rëndësinë e forcimit të lidhjeve ekonomike ndërmjet Malit të Zi dhe Francës, të cilat karakterizohen me marrëdhënie miqësore dhe interes të ndërsjellë për bashkëpunim më të thellë ekonomik.
Millatoviq theksoi se Mali i Zi, si kandidati më i avancuar për anëtarësim në BE, me synimin për t’u anëtarësuar në vitin 2028, po përpiqet të intensifikojë hyrjen e investimeve të huaja direkte, duke thënë se duan më shumë kompani franceze në Mal të Zi.
Ai vuri në dukje se Mali i Zi ofron një mjedis biznesi tërheqës dhe të qëndrueshëm me një sistem tatimor konkurrues, si dhe kushte të barabarta për investitorët vendas dhe të huaj.
U diskutuan mundësitë për thellimin e bashkëpunimit në fushat kyçe për zhvillimin e Malit të Zi – energjia, ekologjia, infrastruktura, turizmi dhe shëndetësia – ku kompanitë franceze kanë përvojë të pasur dhe ekspertizë teknologjike.
Biznesmenët francezë falënderuan për pritjen, duke shprehur interesin për të investuar në vendin tonë dhe duke vlerësuar se ka hapësirë të konsiderueshme për forcimin e mëtejshëm të lidhjeve ekonomike.
Millatoviq ftoi investitorët francezë të marrin në konsideratë projekte të mundshme në sektorët prioritarë, duke kujtuar se më shumë se dyqind kompani franceze aktualisht operojnë në Mal të Zi, të cilat përfaqësojnë një bazë solide për thellimin e mëtejshëm të bashkëpunimit ekonomik.
