Foto: SHQIP
Dita Ndërkombëtare e Gjuhës Amtare është një ditë ndërkombëtare ceremoniale e shpallur nga UNESCO në vitin 1999.
Si e tillë ajo festohet më 21 shkurt të çdo viti.
Qëllimi i caktimit të saj është ndërgjegjësimi për shumëllojshmërinë gjuhësore dhe kulturore si një vlerë universale.
Kjo ditë ka si qëllim promovimin dhe ndërgjegjësimin për diversitetin gjuhësore dhe kulturor si dhe promovimin e shumëgjuhësisë.
Gjuha është pjesë e pandashme e identitetit të një populli, me anë të së cilës shprehet shpirti dhe kultura e tij.
Gjuha e një populli, zhvillimi i saj, e folura e tij, dashuria ndaj saj dhe promovimi i saj tregon, në fakt, kulturën që mbretëron brenda pjesëtarëve të atij populli, asaj shoqërie.
Vlen të ceket se, Dita Ndërkombëtare e Gjuhës Amtare u shënua me aktivitete të ndryshme nga Shkolla Fillore “Mahmut Lekiq” – Tuz dhe Shkolla e Mesme e Përzier “25 Maji”.
Aktivitetet e organizuara nga këto dy shkolla kanë përfshirë pjesë artistike, recitime, shkrime krijuese si dhe është folur mbi rëndësinë dhe ruajtjen gjuhës amtare.
