Investimet e huaja direkte vitin e kaluar kaluan një miliard euro, njoftoi kryeministri Dritan Abazoviq dhe shtoi se është e rëndësishme të theksohet se kjo shumë është arritur pa shitjen e kompanive shtetërore. “Regjistrimet dhe diversifikimi i investimeve të huaja direkte. Për 11 muajt e parë të vitit të kaluar, bruto investimet e huaja direkte arritën në 1.04 miliardë”, ka shkruar Abazoviq në Twitter. Ai tha se shuma neto e investimeve të huaja direkte është 734 milionë dhe është 60 për qind më e lartë se në vitin 2021. Ai ka thënë se vitin e kaluar e kanë rritur kapitalin shtetëror dhe do të vazhdojnë edhe këtë vit. “Kënaqësi është edhe fakti që kemi rreth dhjetë për qind të IHD-ve nga Gjermania, lokomotiva e BE-së”, shtoi Abazoviq. Ai vlerësoi se ky është një tregues i qartë se investimet po diversifikohen në vendet e BE-së, që është një sinjal i rëndësishëm pozitiv për integrimin tonë në BE. “Mali i Zi është në rrugën e duhur”, tha Abazoviq.
