Mbi 80 për qind e qytetarëve të Malit të Zi do ta mbështesnin në referendum hyrjen e Malit të Zi në Bashkimin Evropian (BE), u bë e ditur në prezantimin e rezultateve të hulumtimit “Qëndrimi i qytetarëve për integrimin evropian dhe procesin e anëtarësimit në BE”. Sondazhi, i paraqitur nga Delegacioni i BE-së në Podgoricë, tregoi se 75.5 për qind e të anketuarve kanë një qëndrim shumë ose disi pozitiv ndaj BE-së, ndërsa 74.6 për qind mbështesin fuqishëm anëtarësimin e Malit të Zi në Bashkimin Evropian. Siç u bë e ditur, arsyet për këtë janë cilësia dhe standardi më i mirë i jetës, hapja e kufijve dhe mundësia e udhëtimit pa viza në vendet e BE-së dhe interesimi i qytetarëve të Malit të Zi. Sondazhi i kryer nga agjencia „Defacto“ tregoi se 25.5 për qind e qytetarëve besojnë se pengesa më e madhe për anëtarësimin e Malit të Zi në BE është korrupsioni i përhapur, ndërsa 18.1 për qind e qytetarëve e shohin situatën ekonomike në vend si pengesë.
