Foto: Luka Zekoviq
Ora e Kryeministrit është ndërprerë, pasi opozita nuk e ka lejuar mbajtjen e saj.
Kryeministri Millojko Spajiq sot ishte paraparë t’u përgjigjej pyetjeve të përfaqësuesve të grupeve parlamentare, në seancën e posaçme të seancës së dytë të rregullt të Kuvendit të këtij viti.
Opozita ka dalë para kryeparlamentarit Andrija Mandiq dhe ka njoftuar se po shkelet Kushtetuta dhe se nuk do ta lejojnë.
Mandiq e ndërpreu seancën dhe njoftoi se ndaj deputetëve të opozitës do të vendosen masa për pëngimin e seancës, për të cilën do të marrin vendime me shkrim.
Kreu i PDS-së, Danijell Zhivkoviq, në fillim të seancës tha se në Kuvend është bërë grushtshtet kushtetues dhe se nuk do të lejojnë që të pezullohet Kushtetuta dhe rendi juridik i Malit të Zi.
Ai i bëri thirrje kryeministrit që shumica të caktojë seancën e Komisionit Kushtetues dhe të anulojë vendimin për pensionimin e gjyqtares së Gjykatës Kushtetuese Dragana Gjuranoviq.
Deputetët e opozitës kanë paralajmëruar edhe më herët se nuk do të lejojnë mbajtjen e Orës së Kryeministrit për shkak të, siç deklaruan, shembjes së rendit kushtetues në Mal të Zi nga shumica parlamentare.
