Foto: ustanisud.me
Gjykata Kushtetuese është funksionale dhe e bëjmë thirrje që ta informojë opinionin se si e ka njoftuar Kuvendin në vitet e kaluara për ndërprerjen e mandatit të gjyqtarëve të kësaj gjykate, tha ministri i Drejtësisë, Bojan Bozhoviq.
Ai bëri të ditur se Gjykata Kushtetuese javën e ardhshme do të mbajë seanca të rregullta dhe se mjaftojnë pesë gjyqtarë për të marrë vendime.
“Situata ishte pothuajse identike me atë të gjyqtares Gjuranoviq në rastin e gjyqtarit Dragojub Drashkoviq në vitin 2021, kur kryetari i atëhershëm i Gjykatës Kushtetuese ka informuar Komisionin Kushtetues pa marrë vendim në seancën e Gjykatës Kushtetuese”, deklaroi ministri i Drejtësisë.
“Nuk i takon Kuvendit të vlerësojë se në çfarë forme Gjykata Kushtetuese do ta informojë Komisionin Kushtetues për diçka që është obligim i Gjykatës Kushtetuese”, ka theksuar Bozhoviq.
