Foto: Qeveria e Malit të Zi / Vlada Crne Gore
Në Forumin e Sundimit të Ligjit 2025, kryeministri i Malit të Zi, Millojko Spajiq, theksoi se reforma e sistemit të drejtësisë, pavarësia e gjyqësorit, efikasiteti i prokurorisë dhe lufta vendimtare kundër korrupsionit dhe krimit të organizuar janë themelet mbi të cilat ndërtohet shteti.
Ai deklaroi se Mali i Zi ka planin, partnerët dhe vullnetin për të realizuar të gjitha reformat e nevojshme.
Spajiq rikujtoi se marrja e IBAR-it vitin e kaluar ishte një dëshmi e qartë e aftësisë së vendit për të bërë përparime të shpejta.
Ai theksoi se qeveria ka përgatitur dhe miratuar plane operative të qarta për plotësimin e kritereve të kapitujve 23 dhe 24, duke përcaktuar përgjegjësitë dhe afatet për secilën institucion.
Raporti i fundit i Komisionit Evropian konfirmon përparimin e Malit të Zi, por paralajmëron nevojën për përshpejtimin e dinamikës, sidomos në fushën e sundimit të ligjit.
Spajiq tha se kjo është një mundësi historike për Malin e Zi që të bëhet anëtarja e radhës e BE-së dhe u bëri thirrje institucioneve të përfundojnë detyrat e filluara.
Ai përfundoi fjalën e tij duke theksuar se mbyllja e kapitujve 23 dhe 24 do të jetë treguesi i vërtetë se Mali i Zi jeton plotësisht vlerat evropiane dhe se qeveria po punon intensivisht në përmbushjen e të gjitha kritereve pa përjashtim.
