Foto: Qeveria e Malit të Zi / Vlada Crne Gore
Mali i Zi ka hyrë në fazën përfundimtare të rrugës evropiane, është fokusuar në mbylljen e katër kapitujve deri në fund të vitit, dhe IBAR-i pozitiv si dhe raporti i progresit dhanë një nxitje shtesë për të vazhduar reformat, sipas zëvendëskryeministrit dhe ministrit të Punëve të Jashtme, Ervin Ibrahimoviq.
Ibrahimoviq e bëri të ditur këtë në takimin e ministrave të jashtëm të Iniciativës së Evropës Qendrore në Tiranë.
“Bashkëpunimi rajonal është një nga prioritetet e politikës sonë të jashtme, shtytës i zhvillimit dhe prosperitetit ekonomik, por edhe parakusht për përparim të mëtejshëm në rrugën evropiane. Ne do të vazhdojmë të kontribuojmë në forcimin e stabilitetit rajonal dhe global, të fokusuar në reformat nga agjenda evropiane dhe të vendosur për t’u bërë anëtarë i Bashkimit Evropian deri në vitin 2028”, tha ministri.
Ai theksoi gjithashtu rëndësinë e mbështetjes së BE-së përmes Planit të Rritjes për Ballkanin Perëndimor, i cili do t’i japë dinamikë të re zhvillimit dhe bashkëpunimit ekonomik në rajon.
“Roli i Iniciativës së Evropës Qendrore dhe platformave të tjera rajonale është, në këtë kontekst, i pazëvendësueshëm, veçanërisht në integrimin ekonomik rajonal, i cili është një hap drejt pjesëmarrjes së plotë në tregun e përbashkët të BE-së”, tha Ibrahimoviq.
