Shumica e shkollave në Mal të Zi ofrojnë shërbimin bazë të furnizimit me ujë, ndërsa shërbimet që lidhen me kushtet sanitare dhe higjienën janë të një niveli të kufizuar, sipas hulumtimit “Uji, kanalizimi dhe higjiena në shkollat në Mal të Zi”.
Këto kufizime, siç shtohet, rrjedhin kryesisht nga fakti se herë pas here, në periudha më të shkurtra ose më të gjata, ka mungesë të sapunit dhe peshqirëve për higjienën e duarve, mungesë letre higjienike, privatësia e mjaftueshme dhe kushtet për mirëmbajtjen adekuate të higjienës menstruale nuk ofrohen në tualete.
Shtohet se për këtë arsye hulumtimi i kryer nga ISHP paraqet një hap të rëndësishëm përpara drejt kuptimit të situatës aktuale, planifikimit dhe përcaktimit të synimeve për përmirësimin e situatës në këtë fushë në periudhën e ardhshme.
“Furnizimi me ujë, kanalizimet dhe higjiena në institucionet arsimore janë të lidhura ngushtë me arsimin, shëndetin dhe ushqimin e fëmijëve dhe shkojnë përtej kufijve të vetëm një departamenti dhe përfaqësojnë një fushë që kërkon bashkëpunim shumësektorial”, thuhet në njoftim.
Ky hulumtim është kryer nga Ministria e Arsimit dhe Instituti për Shëndet Publik (ISHP), me mbështetjen e UNICEF-it.
