Zhvillimi i mëtutjeshëm i infrastrukturës rrugore që lidh Malin e Zi dhe Kosovën është i një rëndësie të veçantë, është vlerësuar në takimin e ministrit të Administratës Publike, Marash Dukaj, me ministrin e Administratës së Vetëqeverisjes Lokale të Kosovës, Elbert Krasniqi. Gjatë takimit u diskutua për rëndësinë e bashkëpunimit dypalësh dhe rajonal ndërmjet Malit të Zi dhe Kosovës, me theks në çështjet që kanë të bëjnë me rëndësinë e reformës së sistemit të vetëqeverisjes lokale, bashkëpunimin ndërkufitar dhe transformimin digjital. Ministri Dukaj, siç u njoftua, theksoi se në periudhën e ardhshme, Mali i Zi do t’i kushtojë vëmendje të konsiderueshme procesit të decentralizimit të vetëqeverisjes lokale si element i rëndësishëm i reformës së administratës publike dhe prezantoi aktivitetet aktuale të Malit të Zi në reformën e administratës publike dhe zbatimin e Strategjisë së Reformës së Administratës Publike. Ai theksoi se administratat e Malit të Zi dhe të Kosovës përballen me sfida të ngjashme në nivel lokal dhe qendror dhe se po kalojnë nëpër procese të ngjashme të transformimit dixhital, duke zhvilluar shërbime publike bazuar në nevojat e qytetarëve, me synimin që shërbimet publike t’i bëjnë si e thjeshtë dhe e aksesueshme për qytetarët. Ai theksoi se përvojat dhe shtrirja e transformimit digjital të administratës publike të Kosovës janë shumë të rëndësishme për Malin e Zi. “Ministrat ranë dakord se zhvillimi i mëtejshëm i infrastrukturës rrugore që lidh të dy vendet është jashtëzakonisht i rëndësishëm, duke vlerësuar si projekte veçanërisht të rëndësishme ndërtimin e paralajmëruar të një tuneli në rrugën ndërmjet Rozhajës dhe Pejës dhe rindërtimin e rrugës përmes Çakorrit”, theksuan nga Ministria.
