Foto: Qeveria e Malit të Zi / Vlada Crne Gore
Ministri i Administratës Publike, Marash Dukaj, ka njoftuar se në platformën e re të Administratës Elektronike janë në dispozicion 10 shërbime të reja elektronike, të cilat janë të dedikuara për qytetarët dhe ekonominë.
Ministri Dukaj ka thënë se qytetarët mund të paraqesin kërkesë për:
- dorëzimin e të dhënave nga evidenca e kundërvajtjeve;
- dorëzimin e të dhënave nga evidenca penale;
- kopje e certifikatës për kalimin e provimit të jurisprudencës;
- kopje e certifikatës për kalimin e provimit profesional;
- nismë për ushtrimin e mbikëqyrjes mbi punën e përmbaruesit publik;
- nismë për ushtrimin e mbikëqyrjes mbi punën e noterit.
“Këto shërbime elektronike kontribuojnë në efikasitet më të madh, qasje më të lehtë dhe transparencë, pa pasur nevojë për prezencë fizike në sportel. Vizitoni Portalin e ri të Administratës Elektronike dhe përfitoni nga të gjitha avantazhet e administratës digjitale”, ka theksuar Dukaj.
