Në Mal të Zi, në 24 orët e fundit një person ka humbur jetën si pasojë e koronavirusit, ndërsa janë regjistruar 69 raste të reja të infektimit, njofton Instituti i Shëndetit Publik (ISHP). Sipas tyre, i ndjeri i lidhur me infektimin me Covid është nga Tivari dhe ishte 17 vjeçar. Laboratorët e Institutit të Shëndetit Publik të Malit të Zi (ISHP), laboratorët e tjerë publikë dhe privatë që merren me diagnostikimin e infeksionit të ri me koronavirus përfunduan analizën dje (e martë, 19 prill 2022) dhe ISHP dorëzoi rezultatet për 1,009 mostra për koronavirusin e ri. Deri në orën 15:00 u raportua shërimi i 72 pacientëve. Duke marrë parasysh të gjitha rastet e reja të zbuluara si dhe numrin e të shëruarve, numri i përgjithshëm i rasteve aktualisht aktive me COVID-19 në Mal të Zi është 557.
