Ministria e Administratës Publike është duke e përgatitur në mënyrë aktive Ligjin e ri për Qasje të Lirë në Informacion, sepse është garantues i përmirësimit të proceseve demokratike, tha ministri i Administratës Publike Marash Dukaj.
Duke theksuar se procesi do të jetë transparent dhe gjithëpërfshirës, në mënyrë që të gjithë mund të kontribuojnë për zgjidhjen më të mirë të mundshme ligjore dhe për një publik më të hapur dhe efikas ndaj administratës.
Në konferencën për Qasje të Lirë në Informacion “Si deri te një ligj më i mirë”, organizuar nga Rrjeti për Afirmimin e Sektorit Joqeveritar (MANS), Dukaj tha se e drejta për qasje në informacion është një nga të drejtat themelore të njeriut në të gjitha vende demokratike dhe se është e garantuar me Kushtetutën e Malit të Zi si dhe dokumentet ndërkombëtare që rregullojnë atë fushë.
“Vetëm informacioni i publikuar në mënyrë proaktive do të zvogëlojë heshtjen e administratës, si dhe nevojën për paraqitjen e kërkesave dhe kjo është garantuesi i përmirësimit të proceseve demokratike në vend”, tha Dukaj.
Ai pret që Analiza të përfundojë gjatë muajit shtator, në mënyrë që Trupi Punues t’i ketë të gjitha parakushtet për të punuar në përgatitjen e ligjit sa më shpejt.
Dukaj ka konstatuar se realizimi dhe mbrojtja e së drejtës për qasje në informacion ballafaqohet me sfida të caktuara që ndikojnë negativisht në efikasitetin, realizimin e të drejtave, e rrjedhimisht edhe në transparencën e punës së autoriteteve.
“Ngjarja e sotme dhe pjesëmarrja ime tregojnë qartë përkushtimin e Ministrisë dhe Qeverisë për ta bërë këtë proces transparent dhe gjithëpërfshirës, në mënyrë që të gjithë të kontribuojnë në zgjidhjen më të mirë ligjore, e për rrjedhojë në një administratë publike më transparente dhe efikase, e cila është një nga kërkesat kryesore të partnerëve tanë ndërkombëtarë”, ishte mesazhi i ministrit Dukaj.
