Foto: Ilustrim
Ministria e Energjisë dhe Minierave ka njoftuar se benzina do të shtrenjtohet për dy cent nga mesnata, ndërsa çmimi i Eurodizelit do të mbetet i pandryshuar.
Eurosuper 95 dhe 98 do të shiten gjatë 15 ditëve të ardhshme me çmim prej 1,41 euro dhe 1,45 euro për litër.
Çmimi i Eurodizelit do të mbetet i pandryshuar në 1,28 euro për litër.
Nafta për ngrohje do të shtrenjtohet për një cent dhe do të kushtojë 1,23 euro për litër.
Ndryshimet e fundit të çmimeve të karburanteve ndodhën më 23 prill, kur të gjitha llojet e karburanteve u liruan për tetë cent.
Sipas dispozitave të Rregullores për mënyrën e formimit të çmimeve maksimale me pakicë të derivateve të naftës, përllogaritja e radhës do të bëhet më 2 qershor, dhe vlerat eventualisht të ndryshuara do të hyjnë në fuqi më 3 qershor.
