Fronti Demokratik do ta filloj iniciativen në Gjykatën Kushtetuese për tërheqjen e Presidentit Millo Gjukanoviq. Kjo u njoftua nga kreu i klubit të deputetëve të FD, Sllaven Radunoviq. Radunoviq tha se do të nis iniciativën për shkak të deklaratës së Gjukanoviqit rreth kandidatëve për ambasadorë, në konferencën vjetore për shtyp në Cetij. “Gjukanoviq tha se ata që ishin kundër pavarësisë nuk kanë të drejtë të jenë përfaqësuesit e saj. Kushtetuta e Malit të Zi thotë se të drejtat dhe liritë ushtrohen në bazë të Kushtetutës dhe se të gjithë janë të barabartë para ligjit. “Qytetarët e këtij vendi që morën pjesë në referendum, për shkak të deklaratës së tyre, nuk mund të kryejnë një funksion publik,” tha deputeti i FD. Ai vuri në dukje se kjo është forma më e qartë e shkeljeve të të drejtave të njeriut dhe “kulmi i vrazhdësisë”. “Unë pres reagimet më serioze nga të gjitha institucionet në Malin e Zi që merren me këto çështje. Ne do të përpiqemi të gjallërojmë 25 deputetë dhe të kërkojmë tërheqjen. Gjukanoviq ka treguar se ai nuk është presidenti i të gjithë qytetarëve,” tha Radunoviq.
