Foto: Ilustrim
Rritja e shpejtë e çmimeve të furnizimit me karburant ka sjellë humbje deri në 30 cent për litër për kompanitë e naftës, veçanërisht për furnizuesit e vegjël në Mal të Zi.
Ata theksojnë se kostot e njohura prej rreth 12 centësh për litër, përfshirë marzhin, nuk janë të mjaftueshme dhe kërkojnë uljen e akcizave dhe liberalizimin e çmimeve.
Për shkak të pakënaqësisë dhe paralajmërimit për rritje të re të çmimeve më 24 mars, kompanitë e vogla kanë njoftuar bllokimin e pikave kufitare në Kodër të gjerë (Debeli Brijeg) dhe në Portin e Tivarit, nëse kërkesat e tyre nuk plotësohen.
Autoritetet theksojnë se tregu dominohet nga disa kompani të mëdha, ndërsa përfaqësuesit e sektorit energjetik pranojnë se kostot dhe marzhet ndryshojnë mes operatorëve.
Ndërkohë, më 26 mars është planifikuar një seancë dëgjimore me ministrat përkatës dhe aktorët e sektorit për të diskutuar situatën, përfshirë kërkesat për uljen e akcizave. Bllokada të ngjashme nga shoqatat e transportuesve janë paralajmëruar gjithashtu nga 23 marsi.
