Foto: Qeveria e Malit të Zi / Vlada Crne Gore
Përshtypja pas takimeve shumë konstruktive dhe të rëndësishme është se ka optimizëm dhe mbështetje të vazhdueshme nga partnerët tanë evropianë, por edhe se na pret shumë përpjekje dhe punë në planin e brendshëm, për të cilin ne si Qeveri jemi të vendosur dhe plotësisht të përgatitur, tha ministri i Financave Novica Vukoviq.
Sipas tij, në takimet në Bruksel ka dëgjuar fjalë mbështetëse dhe inkurajuese nga zyrtarë për Malin e Zi, si anëtar i ardhshëm i BE-së.
“Drejtori i Përgjithshëm i Drejtorisë së Përgjithshme për Zgjerimin dhe Fqinjësinë Lindore, Gert Jan Kopman, është i kënaqur me rezultatet e mira të arritura në një periudhë të shkurtër kohore dhe konfirmoi edhe një herë se Komisioni Evropian dhe ai personalisht janë pa mëdyshje të bindur se Mali i Zi, nëse vazhdon kështu, do të përmbushë agjendën e tij ambicioze evropiane,” tha ministri.
Ai thekson gjithashtu se është diskutuar për kapitujt e planifikuar për mbyllje këtë vit, të cilët koordinohen nga Fondi Monetar, si dhe kapituj të tjerë në kompetencë të dikasterit, që kanë të bëjnë me unionin ekonomik dhe monetar, shërbimet financiare, sistemin tatimor, etj.
“Takimi ishte një mundësi për të nënvizuar edhe një herë proaktivitetin, përkushtimin, cilësinë dhe kohën tonë në përmbushjen e detyrimeve nga agjenda kërkuese por e arritshme e BE-së. Kam vënë në dukje edhe aktivitetet që po kryhen në nivel operacional me qëllim të zbatimit teknik të lidhjes së bankave që operojnë në Mal të Zi me sistemin e pagesave të BE-së (SEPA)”, shtoi Vukoviq.
Vukoviq thekson se takimet me Drejtorin e Përgjithshëm të Zyrës Evropiane Kundër Mashtrimit, Ville Italo, ishin një mundësi për të diskutuar masat për të luftuar tregtinë e paligjshme të produkteve të duhanit.
“Dmth ofrimi i kapaciteteve institucionale për monitorimin e lëvizjes dhe gjurmimit të produkteve të duhanit (sistemi T&T), si dhe përputhshmërinë e tyre me kërkesat e përcaktuara me Direktivën e BE-së për produktet e duhanit”, tha Vukoviq.
Ai ka biseduar me zyrtarë të lartë të Brukselit për samitin e ardhshëm ministror, të cilin Mali i Zi e pret në mars, dhe me këtë rast u ka bërë personalisht ftesë për pjesëmarrje.
“Tema e takimit ministror, i cili organizohet në nivel të lartë dhe me mbështetjen e Organizatës Botërore të Shëndetësisë, është eliminimi i tregtisë së paligjshme të duhanit dhe masat fiskale si instrumente për kontroll efektiv të përdorimit të duhanit”, ka theksuar ministri Vukoviq.
