Çmimet e produkteve dhe shërbimeve në dhjetor 2021 janë rritur me 0,3 për qind, ndërsa krahasuar me të njëjtin muaj të vitit 2020 janë rritur me 4,6 për qind, sipas të dhënave të Monstat. Gjatë vitit 2021, çmimet janë rritur në krahasim me vitin 2020 me 2.4 për qind. “Ndikimin më të madh në normën mujore të inflacionit e pati rritja e çmimeve të qumështit, djathit dhe vezëve; perimeve; bukës dhe drithërave; lëndëve djegëse të ngurta; mishit; shërbimeve të transportit ajror të udhëtarëve; peshkut dhe pemishteve”, thuhet në raportin e Monstat. Në dhjetor 2021, ushqimet dhe pijet joalkoolike u rritën me 1,4 për qind, banesat, uji, energjia, gazi dhe lëndët djegëse të tjera me 0,7 për qind, hotelet dhe restorantet me 0,6 për qind, pijet alkoolike dhe duhani me 0,1 për qind. Nga ana tjetër, veshjet dhe këpucët janë bërë më të lira me 1.8 për qind, transporti me 1.6 për qind, mobiliet, pajisjet shtëpiake dhe mirëmbajtja rutinë e apartamenteve me 0.6 për qind, mallrat dhe shërbimet e tjera me 0.2 për qind. Çmimet e produkteve dhe shërbimeve të tjera nuk ndryshuan ndjeshëm. Indeksi i çmimeve të konsumit përdoret për të rregulluar pagat dhe mëditjet në përputhje me marrëveshjet kolektive, si dhe pensionet dhe përfitimet sociale. Indeksi i çmimeve të konsumit përcaktohet si një masë e ndryshimit mesatar të çmimeve të një shporte fikse mallrash dhe shërbimesh që blen një familje për të përmbushur nevojat e saj.
