Nëse do të detyrohemi të mbyllim QKI Malësia, sepse kryeqyteti nuk do ta financojë atë nga buxheti i tij edhe pse ata janë të detyruar si themelues i institucionit, ne do të detyrohemi të mbyllim objektet e të gjitha ndërmarrjeve në territorin tonë, dhe për këtë arsye edhe deponien që ndot vendbanimet tona tha Kryetari i Kuvendit të Tuzit Fadil Kajoshaj për portalin CDM.
Kajoshaj deklaroi se Deponia gjendet në territorin e komunës së Tuzit, prandaj do ta mbyllin, pasiqë edhe ashtu qytetarët ankohen se i mbytë aroma e pakëndshme dhe tymi nga ndezja e mbetjeve dhe gomave.
“Ne kemi thënë disa herë që presim që QKI “Malësia”, të financohet nga buxheti i Kryeqytetit. Kjo është kështu me ligj. Nëse jo, atëherë ne do të mbyllim të gjitha objektet e Kryeqytetit në territorin tonë për një periudhë të caktuar kohore. Këtu e kam fjalën për Vendin e Tregut, Deponinë dhe gjithçka tjetër. Ne do ta mbyllim Deponimin së pari sepse është ndotës dhe një helm i vërtetë mjedisor. Nga kjo Kompani lëshohen gazra, helme, erë, djegie të mbeturinave dhe gomave. Kjo thjesht është e padurueshme. Qytetarët e Omerbozhajve, Dinoshës, Rogathit, dhe Dheut të Zi, e dinë më së miri se si është të jetohet në afërsi të Deponisë”, deklaroi Kajoshaj.
Ai theksoi se para së gjithash është për ta mbyllur këtë deponi, duke shtuar se bordi për përcaktimin e kryeqytetit me Komunën e Tuzit do të merret me këtë çështje.
