Njerëzit që kanë simptoma të infeksionit të koronavirusit nuk duhet të vijnë direkt në spitale, por duhet të kontaktojnë paraprakisht me mjekët në Qendrat Shëndetësore, tha infektologja dhe anëtarja e Stafit Mjekësor të Krizave Marija Nikoliq. “Ata do të monitorojnë gjendjen e tyre, varësisht nga analiza, fotografia klinike dhe gjetjet radiologjike, ata do të këshillojnë më tej monitorimin në shtëpi ose ekzaminimin nga specialistët në një nga spitalet Covid,” tha Nikoliq. Për shkak të mungesës së informacionit që pacientët duhet së pari të kontaktojnë mjekët në klinikat Covid, në fillim të javës kapacitetet e spitalit Nikshiq u plotësuan për shkak të fluksit të madh të pacientëve pozitivë me Covid19. Situata u zgjidh duke vendosur pacientë në Spitalin për Sëmundjet e Mushkërive në Brezovik.
