Situata është delikate dhe kufizimet dhe rritja e çmimit të energjisë elektrike janë një nga opsionet nëse situata nuk përmirësohet në periudhën e ardhshme, tha Tomash Damjanoviq, shef i departamentit të komunikimit të korporatave të Kompanisë Elektrike të Malit të Zi. Ai në emisionin “Mirëmëngjesi Mali i Zi” në TVMZ tha se kompania ka siguruar sasi të energjisë elektrike për muajin gusht dhe shtator, por se për pjesën e mbetur të vitit do të varet nga disa faktorë, para së gjithash nga gjendja hidrologjike. “Kufizimet janë përgjithësisht pasojë e krizës globale energjetike, e cila prek të gjithë, përfshirë ne. Situata e tregut është delikate dhe e papërshtatshme për të gjithë pjesëmarrësit. Mund të ndodhë që të keni para të mjaftueshme për të blerë energji elektrike, por nuk ka mallra të mjaftueshme në treg”, ka thënë Damjanoviq. Ai tha se në shtatë muajt e parë janë shpenzuar 117 milionë euro për energji elektrike, ndërsa për periudhën e njëjtë të vitit të kaluar janë ndarë 28 milionë euro. I pyetur për rritjen e energjisë elektrike, ai përgjigjet: “Çmimet e të gjithë artikujve janë rritur, rritja e çmimeve është një masë jopopullore dhe ne po bëjmë gjithçka që të mos ndodhë, kjo është gjithashtu një nga opsionet nëse rrethanat nuk kalojnë sipas planit.”
