Greqia, Kroacia dhe Rumania kanë përjetuar të gjitha temperatura përvëluese dhe duket se situata do të mbetet e njëjtë edhe në ditët në vijim.
Disa vende në Evropën Jugore dhe Juglindore kanë lëshuar paralajmërime ekstreme të motit për shkak të të nxehtit potencialisht të rrezikshëm.
Ministria e Kulturës e Greqisë ka urdhëruar mbylljen e Akropolit për disa orë në mes të ditës.
Meteorologët thanë se ajri i nxehtë që vjen nga Afrika do të vazhdojë të ziejë vendin deri të dielën.
Temperaturat të enjten pritet të arrijnë deri në 43 gradë Celsius. Në Kroaci, autoritetet raportuan se deti Adriatik ka arritur temperaturat më të larta të regjistruara ndonjëherë.
Në Dubrovnik, mijëra turistë kërkuan hije për t’iu fshehur diellit flakërues ndërsa eksploronin qytetin, ndërsa njerëzit në vendpushimet e afërta të plazhit strehoheshin nën çadra.
Në Rumani, një person ka humbur jetën dhe një tjetër është në gjendje shumë të rëndë pas një periudhe të nxehtësisë ekstreme. Një alarm portokalli për valë të nxehti mbetet në fuqi për vendin.
Në të gjithë Evropën, mjekët thonë se është thelbësore të kuptohen simptomat e hipertermisë dhe dehidratimit dhe të veprohet sa më shpejt që të jetë e mundur për të shmangur probleme serioze të shëndetit.
