Me propozimin e ribalancit për vitin 2023, i cili u miratua nga Qeveria në seancën e sotme, janë planifikuar të hyrat dhe shpenzimet buxhetore në vlerë prej përafërsisht 2.9 miliardë euro, që paraqet një rritje prej përafërsisht 46.7 milionë euro.
Në përputhje me Kushtetutën e Malit të Zi, gjegjësisht Ligjin për Buxhetin dhe Përgjegjësinë Fiskale, i cili rregullon balancimin e buxhetit, Ministria e Financave, duke pasur parasysh të ardhurat e paplanifikuara nga paketa e implementuar e mbështetjes së Bashkimit Evropian për vendin tonë për të kapërcyer kriza energjetike (në shumën prej 30 milionë euro), nevoja për financimin e zgjedhjeve të jashtëzakonshme parlamentare (rreth 5 milionë euro), si dhe sigurimi i fondeve të munguara për subvencione për punësimin e personave me aftësi të kufizuar (13 milionë euro) dhe disa korrigjime teknike, përgatiti ndryshime në Aktin e Buxhetit për vitin 2023.
Gjithashtu, projekti i ribalancimit buxhetor parashikon hyrjen në zonën aktuale të suficitit të konsumit, pra realizimin e rregullës së artë fiskale, e cila përcakton borxhin e shtetit ekskluzivisht për nevojat e projekteve të infrastrukturës.
Sipas kornizës së përditësuar fiskale, fondet e munguara për financimin e buxhetit për vitin 2023 janë reduktuar për 167 milionë euro.
Duke folur për atë dokument, kryeministri Dritan Abazoviq vlerësoi punën e Ministrisë së Financave. “Rezultatet e punës në tremujorin e parë të 2023 janë mbi pritshmëritë, kjo do t’i lejojë Malit të Zi të ketë më pak borxh se sa ishte planifikuar. Na duket se ky është një lajm spektakolar, sepse ende na pret sezoni kryesor turistik dhe të gjitha parametrat tregojnë se ky sezon do të jetë rekord. Shpresojmë se do të fitojmë shumë nga kjo punë”, tha kryeministri Abazoviq.
