Foto: Reuters
Bashkimi Evropian (BE) përshëndet marrëveshjen e arritur të shtunën midis kryeministrit Millojko Spajiq dhe opozitës për të kërkuar një opinion nga Komisioni i Venecias, tha Guillaume Mercier, zëdhënës i Komisionit Evropian.
“Ne mezi presim dorëzimin e kërkesës pa vonesë dhe kthimin e opozitës në parlament. U bëjmë thirrje të gjitha institucioneve të respektojnë ligjin dhe Kushtetutën. Kjo është vendimtare për rrugën e Malit të Zi në BE. Lënia mënjanë e dallimeve dhe pasja e një parlamenti funksional do të jetë vendimtare për përparimin në reformat e lidhura me BE dhe përmbushjen e aspiratave të kahershme të qytetarëve malazezë drejt pranimit,” theksoi zëdhënësi i Komisionit Evropian.
