Foto: predsjednik.me
Presidenti i Malit të Zi, Jakov Millatoviq, ka shpallur Ligjin për ndryshimin e Ligjit për Tregtinë e Brendshme duke marrë parasysh vetëm interesat e punëtorëve në sektorin e tregtisë, por duke kërkuar që të garantohet në Kushtetutë dita e diel si ditë pushimi, pasi kjo është zgjidhja e vetme që ofron siguri për punëtorët.
Sipas Kabinetit të presidentit, Millatoviq ka shpallur ndryshimet në ligjin për të mundësuar që punonjësit në tregti të kenë të dielën si ditë pushimi.
“Këto ndryshime të ligjit, të miratuara nën presionin e opinionit publik, nuk përbëjnë një zgjidhje. Po rikthehet i njëjti model që më parë është shpallur i paligjshëm nga Gjykata Kushtetuese. Në këtë mënyrë, Kuvendi i Malit të Zi vë në dyshim sundimin e ligjit dhe vendimet e Gjykatës Kushtetuese, si dhe barazinë e punëtorëve që punojnë të dielën para Kushtetutës dhe ligjit. Në vend që problemi të zgjidhet në mënyrë sistematike dhe afatgjatë, është gjendur një zgjidhje që varet nga vullneti politik aktual dhe që do të kontestohet përsëri,” tha Millatoviq.
Ai thekson se pa garanci kushtetuese, punëtorët mbeten të ekspozuar ndaj rrezikut që e drejta që kanë sot nesër të vihet në pikëpyetje.
„Qytetarët nuk kërkojnë zgjidhje të përkohshme, por siguri. Punëtorët nuk meritojnë që e drejta e tyre për pushim të jetë subjekt i lojërave politike.“
Për këtë arsye është propozuar plotësimi i nenit 64 të Kushtetutës së Malit të Zi, sipas të cilit dita e diel dhe festat shtetërore do të jenë të garantuara kushtetuese si ditë pushimi, me përjashtime të qarta për shërbimet e interesit publik.
Sipas tij, kjo është mënyra e vetme për t’u siguruar punonjësve siguri dhe të drejtën për të dielën si ditë pushimi, në vend të marrëveshjeve të përkohshme që synojnë të mashtrojnë publikun.
“Duke shpallur këtë ligj, duam të mundësojmë që punonjësit të kenë të dielën si ditë pushimi, por edhe të ftojmë deputetët të votojnë për iniciativën kushtetuese që do të sjellë siguri dhe të dielën e garantuar nga Kushtetuta e Malit të Zi. Të drejtat e punëtorëve nuk duhet më të varen nga lojërat politike, por duhet të jenë të garantuara nga Kushtetuta,” tha Millatoviq.
