Si pasojë e reshjeve të dendura të shiut janë regjistruar përmbytje në Bosnjë e Hercegovinë (BeH) dhe Serbi. Në një deklaratë nga Departamenti i Mbrojtjes Civile të Federatës së BeH-së thuhet se ka pasur përmbytje në Konjic, në jug të vendit për shkak të shiut të rrëmbyeshëm që ka qenë efektiv mbrëmë dhe niveli i ujit është rritur në lumenjtë Neretva dhe Trebizat.
![](https://tvboin.com/wp-content/uploads/2023/01/08_Nisan_12-Aralik_08_AA-30020374.jpg)
![](https://tvboin.com/wp-content/uploads/2023/01/08_Nisan_12-Aralik_08_AA-30020374.jpg)
Përmbytjet kanë ndodhur në disa zona në Konjic ndërsa shumë shtëpi janë përmbytur në qytete të tjera në jug të vendit. Në kryeqytetin Sarajevë, bodrumet e disa shtëpive janë përmbytur si pasojë e reshjeve gjatë natës ndërsa niveli i ujit është rritur në lumin Miljacka, i cili kalon nga qendra e qytetit. Instituti Meteorologjik i Federatës së BeH-së paralajmëroi se reshjet e dendura të shiut do të vazhdojnë edhe sot në pjesët jugore dhe jugperëndimore të vendit.
![](https://tvboin.com/wp-content/uploads/2023/01/08_Nisan_12-Aralik_08_AA-30020383.jpg)
![](https://tvboin.com/wp-content/uploads/2023/01/08_Nisan_12-Aralik_08_AA-30020383.jpg)
Derisa reshjet e shiut në Serbi kanë përfshirë qytetin e Sjenicës në jugperëndim të vendit, thuhet se shumë shtëpi janë përmbytur si pasojë e derdhjes së lumit Grabovica. Drejtori i Ujësjellësit të Serbisë, Goran Puzoviq tha se reshjet do të vazhdojnë edhe sot dhe se niveli i ujit në lumenjtë në jug të vendit është rritur. Sindikata e Meteorologjisë ka paralajmëruar qytetarët duke theksuar se në pjesët jugore të Serbisë ka pasur alarm të kuq për shkak të reshjeve dhe erërave të forta.