Është shumë e rëndësishme për Malin e Zi që një vend mik me një ekonomi kaq të fortë dhe potente si Turqia të ketë interes për të investuar në projekte kapitale në Mal të Zi dhe të ketë potencial për të përmirësuar më tej bashkëpunimin ndërmjet dy vendeve duke investuar në energjinë e rinovueshme, infrastrukturën rrugore dhe hekurudhore, si dhe në fushën e transportit ajror, tha ministri i investimeve kapitale Ervin Ibrahimoviq, i cili në Forumin e Prespës në Ohër pati një takim dypalësh me ministrin e Punëve të Jashtme të Republikës së Turqisë, Mevlut Çavusoglu. Çavusoglu theksoi historinë e gjatë të marrëdhënieve të mira ndërshtetërore midis dy vendeve dhe shprehu interesin për përfshirjen më të fortë të investitorëve turq në projektet e energjisë së gjelbër dhe infrastrukturës së transportit në Mal të Zi dhe projekte të tjera me interes. Ai shtoi se Mali i Zi, si një vend anëtar i NATO-s dhe një vend në prag të anëtarësimit në BE me potencial të fortë investimi, është një destinacion interesant investimi për investitorët turq.
