Foto: Boris Pejović
Kryetari i Komunës së Ulqinit, Genci Nimanbegu, ka kërkuar nga deputetët që të mos mbështesin marrëveshjet me Emiratet e Bashkuara Arabe (EBA).
Ai këtë e tha në seancën e Komisionit Parlamentar për Marrëdhënie Ndërkombëtare.
“Ajo që po përgatitet nuk është e mirë për Malin e Zi multi-etnik, multikonfesional,” tha Nimanbegu.
Ai tha se për shkak të këtyre marrëveshjeve lind një pyetje legjitime se ku qëndron interesi publik.
“Marrëveshja nuk ka interes të përgjithshëm, por të veçantë, specifik. Unë kam pasur shtatë takime me kryeministrin që nga 12 marsi dhe i di detajet që do t’ju shkaktonin dhimbje koke. Por nuk po dal me detaje publikisht”, tha Nimanbegu.
Ai theksoi se shtrohet pyetja se cili është qëllimi i projektit të paralajmëruar.
“Dikush dëshiron të ndërtojë një qytet brenda një qyteti. Kush ka nevojë për këtë?,” thotë Nimanbegu.
Ai tha se të gjithë deputetët duhet të jenë të vetëdijshëm se duke votuar diçka që është e paparashikueshme, dëmtojnë interesat e shtetit dhe të komunitetit lokal.
Ai tha se janë në pritje të mendimit të KE-së dhe se duhet të organizohet një diskutim publik ku do të dëgjohet zëri i profesionistëve.
