Qeveria e Shteteve të Bashkuara të Amerikës ka ndarë 300,000 dollarë ndihmë për të lehtësuar përhapjen e epidemisë COVID-19 në Mal të Zi. Shtetet e Bashkuara, përmes Agjencisë për Zhvillim Ndërkombëtar (USAID), ofrojnë këtë mbështetje shumë të nevojshme dhe funksionojnë në koordinim me Qeverinë e Malit të Zi, partnerë humanitarë ndërkombëtarë dhe aktorë të tjerë për të identifikuar fushat prioritare të mbështetjes. “Si mik, partner dhe aleat, qeveria amerikane është krenare të vazhdojë mbështetjen e saj të gjatë për zhvillimin e sistemit dhe ekonomisë së Malit të Zi. Ne qëndrojmë krah për krah me aleatin tonë të NATO-s për të adresuar pasojat e shumta të krizës COVID-19 së bashku”, tha ambasadorja amerikane në Mal të Zi Xhudi Rajzing Rajnke. Për më tepër, si pjesë e programit rajonal për zvogëlimin e rrezikut nga katastrofat, USAID, përmes Federatës Ndërkombëtare të Shoqërive të Kryqit të Kuq dhe Gjysmëhënës së Kuqe, mbështet Kryqin e Kuq në Mal të Zi duke siguruar trajnime dhe pajisje për Qendrën e Operacioneve të Reagimit të Emergjencave, i cili së shpejti do të jetë funksional, në luftën kundër COVID-19 dhe për përgjigjet e ardhshme ndaj katastrofave në Mal të Zi. Asistenca e re prej 300,000 dollarësh e USAID është një vazhdim i investimeve afatgjata amerikane në Mal të Zi që arrijnë më shumë se 332 milion dollarë, duke përfshirë mbi 1 milion dollarë ndihmë shëndetësore. Shtetet e Bashkuara kanë qenë kontribuesi më i madh në botë për ndihmën bilaterale të shëndetit publik për dekada.
