Foto: Predsjednik.me
Verërat malazeze janë një markë e rëndësishme kombëtare, tha presidenti i Malit të Zi, Jakov Millatoviq, duke shtuar se Mali i Zi duhet të bëjë gjithçka për të mbështetur industrinë e verës.
“Krijimi i një dite që feston hardhinë tonë autoktone Kratoshija është një hap i rëndësishëm në promovimin e vreshtarisë malazeze, dhe ruajtjes së identitetit kombëtar, përmes një prej simboleve më të rëndësishme të historisë dhe kulturës së verërave të Malit të Zi”, tha Millatoviq.
Ai sot priti në takim përfaqësuesit e (OEVE- Legatura Montenegro) me rastin e festimit të Ditës së Kratoshisë, një varietet autokton rrushi që kultivohet në Mal të Zi me shekuj.
Përfaqësuesit e Legature vlerësuan se avantazhi krahasues i Malit të Zi qëndron pikërisht në prodhimin e verës, të cilin e shohin si një mundësi serioze që vendi, duke pasur parasysh rëndësinë e varieteteve autoktone të rrushit, të pozicionohet si vend i origjinës dhe një destinacion cilësor në hartën botërore të verërave.
Ata theksuan se pak vende mund të mburren me një traditë kaq të gjatë të prodhimit të verës.
Bashkëbiseduesit e informuan presidentin e Malit të Zi se hulumtimet shkencore kanë vërtetuar se Kratoshija është në një farë mënyre prindi i Vranac, kështu që kjo do të vinte edhe një herë në fokus faktin se Mali i Zi është edhe vend i origjinës së vetë Vranac.
