Propozimi për ribalancimin e buxhetit të këtij viti i referohet para së gjithash harmonizimit teknik me Rregulloren e re për organizimin dhe mënyrën e funksionimit të administratës shtetërore, përshpejtimin e investimeve kapitale, si dhe për realizimin më të madh të pjesës së të hyrave, njofton Ministria e Financave.
“Investimet kapitale po bëhen me ritëm shumë më të shpejtë se sa është planifikuar – dhe për të përmirësuar urgjentisht infrastrukturën e trafikut, është e detyrueshme që të rishpërndahen mjetet për projekte me ritëm më të shpejtë se sa është planifikuar. Nga ana tjetër, rritja e fortë e vazhdueshme ekonomike gjatë vitit 2024 dhe rritja e ndjeshme e të ardhurave mbi planin, shkaktuan nevojën e rishikimit të vlerësimeve të përcaktuara me Ligjin e Buxhetit të këtij viti”, sipas Ministrisë së Financave.
Ata theksojnë se sipas projeksioneve të rishikuara të propozuara nga ribalancimi i buxhetit, të hyrat totale në krahasim me ligjin fillestar të buxhetit janë më të larta për rreth 56 milionë euro, ndërsa shpenzimet janë afërsisht në të njëjtin nivel, dhe i referohen detyrimeve të trashëguara për ish-punëtorët e “Radoje Dakiq”, fonde për subvencione për subjektet afariste që punësojnë persona me aftësi të kufizuara, paga të punonjësve në sektorin e arsimit, si dhe për krijimin e supozimeve për formimin e rezervave të naftës.
“Niveli i planifikuar i deficitit buxhetor në raport me produktin e brendshëm bruto, për shkak të projeksionit të rishikuar të PBB-së (i cili u rrit nga 7,0273 miliardë euro në 7,278 miliardë euro), është më i ulët për 0,09 për qind të PBB-së dhe arrin në 3,26 për qind të PBB-së,“ përfundon Ministria e Financave.
