Kryetarja e Kuvendit të Malit të Zi, Danijela Gjuroviq, ka thirrur seancën për të shtunën në orën 12:00, ku presidenti i zgjedhur i Malit të Zi, Jakov Millatoviq do të bëjë betimin dhe do të marrë detyrat e Presidentit të Malit të Zi.
Nga Kuvendi i Malit të Zi është bërë e ditur se presidenti i sapozgjedhur do të bëjë betimin në ditën e skadimit të mandatit të paraardhësit të tij dhe ceremonia e inaugurimit të presidentit të Malit të Zi do të mbahet në Parlamentin e Malit të Zi.
“Pasi kryetarja e Kuvendit të Malit të Zi, Danijela Gjuroviq, do të hapë seancën, do të këndohet himni kombëtar, pas së cilës presidenti i sapozgjedhur i Malit të Zi, Jakov Millatoviq do të bëjë betimin dhe do të mbajë fjalimin inaugurues, i cili do të shënojë marrjen e detyrës si President i Malit të Zi. Pas seancës ceremonia do të vijojë përshëndetjet ushtarake në pllajën para Kuvendit të Malit të Zi. Sipas protokollit, në orën 17:30 në Villën Gorica një koktej do të fillojë me mikpritjen e Presidentit të Malit të Zi dhe bashkëshortes së tij”, thuhet në njoftim.
Kuvendi tha gjithashtu se Kushtetuta e Malit të Zi, e miratuar më 22 tetor 2007, zgjedh Presidentin e Malit të Zi për një periudhë pesëvjeçare me zgjedhje të drejtpërdrejta.
