Pjesëmarrja e Malit të Zi në Konferencën jubilare të 60-të të Sigurisë në Mynih është një mundësi e mirë për të theksuar më tej anëtarësimin e besueshëm të Malit të Zi në aleancën e NATO-s, tha presidenti i Malit të Zi Jakov Millatoviq.
“Mendoj se të gjitha këto takime janë një mundësi shumë e mirë për të theksuar më tej anëtarësimin e besueshëm të Malit të Zi në aleancën e NATO-s, e cila është veçanërisht e rëndësishme tani në kontekstin e një situate shumë sfiduese gjeopolitike, por edhe për të shpjeguar kandidaturën e Malit të Zi për një anëtar jo të përhershëm të Këshillit të Sigurimit të Kombeve të Bashkuara dhe për të promovuar gjithashtu pozicionin e Malit të Zi kur bëhet fjalë për politikën ndërkombëtare dhe politikën e sigurisë ndërkombëtare”, tha Millatoviq.
Ai tha se pjesëmarrja e Malit të Zi në konferencë është shumë e rëndësishme.
“Sot dhe nesër do të kem takime të shumta me presidentët e Republikës Çeke, Lituanisë, Letonisë, me Sekretarin e Përgjithshëm të NATO-s, me Ministrin e Punëve të Jashtme të Republikës së Turqisë, me të dërguarin special për Ballkanin Perëndimor, me të dërguarin special britanik për Ballkanin Perëndimor, me shumë senatorë amerikanë dhe deputetë të Bundestagut”, tha Millatoviq.
