Kryeministri në mandat teknik Dritan Abazoviq, i cili sot po qëndron për vizitë në Europol, tha se shpreson që institucionet t’i përgjigjen kërkesave si të Europol-it ashtu edhe të qytetarëve të Malit të Zi.
Ai theksoi se Qeveria e Malit të Zi vetëm po konfirmon atë që është parimisht dhe vlera kryesore e të gjithë partnerëve të saj evropianë, që është, siç tha ai, që shteti i të drejtës të marrë jetë dhe dora e drejtësisë të arrijë të gjithë ata që kanë punuar ilegalisht në periudhën e kaluar.
Abazoviq tha se beson se ministri i Punëve të Brendshme, Filip Axhiq, gjatë vizitës së tij të fundit në Europol, ka arritur të bien dakord për gjëra shumë të rëndësishme që kanë të bëjnë me bashkëpunimin më të thellë ndërmjet Europol-it dhe Malit të Zi.
“Ishte nder dhe kënaqësi të takohem sërish në qendër të Europol-it me Catherine de Bol, e cila është drejtoreshë e Europol-it. Kjo është vazhdimësi e bashkëpunimit mes sektorit të sigurisë dhe Europol-it dhe besoj se gjatë vizitës së fundit, kolegu im Axhiq arriti të pajtohet për gjëra shumë të rëndësishme sa i përket bashkëpunimit tonë më të thellë”, tha Abazoviq.
Ai tha se shpreson që institucionet do t’u përgjigjen kërkesave si të Europolit ashtu edhe të qytetarëve të Malit të Zi.
“I falënderoj të gjithë, Qeveria e Malit të Zi vazhdon agjendën e saj që ka të bëjë me luftën kundër krimit dhe korrupsionit dhe shpresoj që qytetarët e Malit të Zi do të kenë mundësinë të shohin që dora e drejtësisë të funksionojë edhe më me efikasitet në periudhën e ardhshme“, përfundoi Abazoviq.
