Foto: Ilustrim
Ministria e Arsimit, Shkencës dhe Inovacionit ka njoftuar se ka dorëzuar 12 padi penale shtesë te Prokurori i Shtetit në Podgoricë, për shkak të dyshimeve se disa persona kanë dorëzuar dokumente arsimore të rreme ose të pasakta.
Institucionet përgjegjëse për njohjen e dokumenteve të huaja arsimore kanë konstatuar se këto dokumente nuk janë të vlefshme.
Ministria e Arsimit, Shkencës dhe Inovacionit thekson se ekziston dyshim i bazuar se këta individë kanë kryer veprën penale të falsifikimit të dokumenteve sipas Nenit 412 të Kodit Penal.
Ministria pret që organet kompetente të veprojnë brenda kompetencave të tyre për të adresuar këtë problem institucional të rëndësishëm.
