Anëtarësimi i Malit të Zi në Bashkimin Evropian (BE) mund të jetë një sinjal pozitiv për të gjithë Ballkanin Perëndimor, tha presidenti i Malit të Zi Jakov Millatoviq.
Millatoviq po merr pjesë në Forumin për Dialog të Prespës, i cili mbahet në Strugë, Maqedoni e Veriut.
“Anëtarësimi i Malit të Zi në BE mund të jetë një sinjal pozitiv për të gjithë Ballkanin Perëndimor – ky është mesazhi që i kam përcjellë të dërguarit special të Gjermanisë, Manuel Saraçin, përpara hapjes së forumit”, shkruan Millatoviq në Twitter.
Ai tha se Mali i Zi po mbështet në mbështetjen e Gjermanisë në rrugën e reformave drejt BE-së. Pas mbërritjes në Strugë, Millatoviq pati një takim dypalësh me të dërguarin britanik për Ballkanin Perëndimor, Stuart Pich.
“Është gjithmonë kënaqësi të takohem me të dërguarin britanik për Ballkanin Perëndimor. Mali i Zi do të vazhdojë me rolin e tij konstruktiv në Ballkanin Perëndimor dhe do të jetë një anëtar edhe më i besueshëm i Aleancës”, tha presidenti i Malit të Zi.
