Me dinamikën e planifikuar, në raport me çmimet aktuale të tregut, do të arrijmë të formojmë sasinë përfundimtare të rezervave të naftës prej 100 mijë tonësh për rreth katër apo pesë vjet, tha ministri i Minierave, Naftës dhe Gazit Admir Shahmanoviq.
Shamanoviq theksoi se dinamika e formimit të rezervave të naftës në masë të madhe do të varet nga çmimi i derivateve në periudhën e ardhshme.
Ai theksoi se kjo qeveri ka një detyrë të rëndësishme përpara, një mundësi të madhe për ta futur përfundimisht Malin e Zi në Bashkimin Evropian.
“Për sa më përket mua dhe departamentit që unë drejtoj, do të fokusohemi në përmbushjen e detyrimeve që shkojnë përtej procesit të integrimit europian. Ne do të fokusohemi në përfundimin e historisë për formimin e rezervave të naftës, pastaj në kornizën rregullative, miratimin e ligjit për sigurinë e furnizimit me derivatet e naftës dhe përditësimin e planit të veprimit për formimin e rezervave”, theksoi Shahmanoviq.
I pyetur se kur do të fillojë procesi i formimit të rezervave të naftës, Shahmanoviq theksoi se ligji tashmë është dërguar në Kuvend për miratim me procedurë urgjente.
“Pas kësaj do të përditësojmë planin e veprimit dhe më pas do të vazhdojmë me formimin e rezervave të naftës duke vendosur një taksë të veçantë që do të jetë afërsisht 3 cent për litër karburant”, shpjegon Shahmanoviq.
Shamanoviq tha se rezervat e naftës do të sigurojnë njëfarë mbrojtjeje në rast se ndodhin shqetësime të jashtme në tregun ndërkombëtar, rajonal apo të brendshëm dhe në atë rast qytetarët dhe ekonomia do të mund të funksionojnë pa pengesa për rreth tre muaj.
