Departamenti amerikan i Shtetit e përforëcoi sot përmes një deklarate qëndrimin e Washingtonit se nuk mbështet asnjë ndryshim në statusin aktual të Urës se Ibrit. “Hapja e urës për lëvizjen e automjeteve tani rrit potencialin për dhunë dhe vë në rrezik popullatën vendase si dhe ushtarët e KFOR-it – përfshirë amerikanët – të cilët po punojnë për të mbështetur paqen dhe sigurinë në Kosovë”, tha një zëdhënës i DASH, i cituar nga mediat në Prishtinë.
Departamenti për më tepër i kërkoi Qeverisë së Kosovës që të përmbahet nga “veprimet e njëanshme dhe në vend të kësaj ta trajtojë çështjen brenda kornizës së dialogut të ndërmjetësuar nga BE”.
“Ne i bëjmë thirrje Kosovës të mos e ndërmarrë këtë veprim të pakoordinuar e të njëanshëm”, tha zëdhënësi, duke shtuar se ky qëndrim përputhet me atë të partnerëve të QUINT-it, si dhe me BE-në dhe NATO-n.
