Foto: Ilustrim
Me rastin e festës shtetërore – Dita e Njegoshit, në Mal të Zi ditë pushimi janë e enjtja, 13 nëntor dhe e premtja, 14 nëntor.
Administrata për Inspektimin e Punës ka kujtuar se më 13 nëntor, gjatë festës së kulturës malazeze, është e ndaluar puna për tregtarët që merren me tregtinë me shumicë dhe pakicë, sipas ligjit.
Megjithatë, ligji parashikon disa përjashtime, kështu që puna lejohet në:
- farmaci,
- dyqane ose kioska të specializuara për shitjen e bukës, produkteve të furrës, ëmbëlsirave, luleve, suvenireve, shtypit, mjeteve për mbrojtjen e bimëve dhe pajisjeve funerale,
- pikat e karburantit dhe dyqanet brenda tyre,
- tregje, tezga dhe automatikë shitës jashtë tregjeve, si dhe dyqane lëvizëse,
- objekte tregtare brenda stacioneve të autobusëve, trenave, aeroporteve dhe porteve,
- kioska dhe shtande gjatë festivaleve, panaireve dhe manifestimeve publike,
- dhe në magazina për tregtinë me shumicë.
Dyqanet e specializuara konsiderohen ato ku shitet kryesisht një lloj i vetëm malli.
Gjatë ditëve të festës, inspektorët e tregut do të kryejnë kontrolle të shtuara dhe do të marrin masa ligjore ndaj tregtarëve që shkelin ndalimin e punës.
