Kryeministri i ardhshëm, Zdravko Krivokapiq njoftoi se Qeveria e re e Malit të Zi do të formohet deri më 10 ose 11 nëntor. Ai përsëriti se do të ketë ekspertë në pozicionet kryesore në qeveri, si dhe politikanë individualë. Ai ftoi Presidentin e Serbisë, Aleksandar Vuçiq, të vizitojë Malin e Zi, duke theksuar se Mali i Zi dëshiron marrëdhënie të mira me të gjithë në rajon, mbi të gjitha me Serbinë. Ai theksoi se, gjatë formimit të qeverisë së re të Malit të Zi, Ligji për Lirinë e Fesë do të analizohet dhe se zgjidhja më e mirë për të gjitha palët e interesuara do të “kërkohet”.
