Foto: Portal ETV
Eurodeputeti Reinhold Lopatka njoftoi se Komisioni për Punë të Jashtme i Parlamentit Evropian sot ka mbështetur fuqishëm Raportin Vjetor për Malin e Zi, me 51 vota pro, 7 kundër dhe 7 abstenime.
“Qeveria e Malit të Zi ka arritur përparim të rëndësishëm dhe vendi mbetet kandidati më i avancuar në Ballkanin Perëndimor,” deklaroi ai.
Ai tha se, nëse reformat vazhdojnë me vendosmëri – veçanërisht në fushat e sundimit të ligjit, administratës publike dhe reformës zgjedhore – anëtarësimi gjatë këtij mandati të Parlamentit Evropian mbetet i arritshëm.
“Megjithatë, vullneti politik dhe qëndrueshmëria janë kyçe nga të dyja palët: si nga ana e BE-së, ashtu edhe nga ana e Malit të Zi,” theksoi Lopatka.
