Foto: Kuvendi i Malit të Zi / Skupština Crne Gore
Kuvendi i Malit të Zi miratoi sot me shumicë votash ndryshimet në Ligjin për kartë të identitetit, duke e shtyrë afatin për zëvendësimin e kartave të identitetit deri më 30 shtator 2025.
Ligji në fjalë është miratuar me votat e 45 deputetëve.
Deputetët nga Lëvizja „Evropa Tani“ Miodrag Lakoviq dhe Mali i Zi Demokratik Dushko Stjepoviq propozuan shtyrjen e afatit për zëvendësimin e kartave të identitetit deri më 30 shtator, në vend të 30 marsit të planifikuar.
Duke shpjeguar propozimin, deputeti Stjepoviq tha se zgjatja e afatit të lartpërmendur zvogëlon rrezikun e pasojave të mundshme ligjore që mund të lindin për shkak të skadimit të kartave të identitetit aktualisht të vlefshme.
Një vendim i tillë, shton ai, do të parandalojë krijimin e pengesave administrative.
