Seanca në të cilën do të diskutohet zgjedhja e Qeverisë së re të Malit të Zi është shtyrë për më 2 Dhjetor, njoftoi Kryetari i Parlamentit të Malit të Zi, Alleksa Beçiq. Seanca në të cilën do të diskutohen ndryshimet në Rregulloren e Procedurës, siç ishte rënë dakord më parë, do të mbahet më 23 nëntor. Beçiq deklaroi se data e dy seancave të ardhshme u dakordua dje me konsensus të të gjithë krerëve të klubeve parlamentare të qeverisë dhe opozitës dhe se në vitin 2016 Parlamenti i Malit të Zi zgjodhi Kryetarin e Parlamentit dhe formoi Qeverinë me 41 deputet, në periudhën nga 24 nëntori deri më 29 nëntor. “Duke dashur të shmang abuzimet, ndarjet, mosmarrëveshjet, shpërqendrimet nga çështjet e ndezura dhe zgjedhjen e një qeverie të re, unë jam gati të kontribuoj në pajtimin, kohezionin dhe të ardhmen, duke marrë parasysh kërkesat dhe pozicionet e opozitës, pas konsultimeve dhe marrëveshjeve të sotme me të gjithë liderët e parlamentit është rënë dakord që seanca me rastin e Vendimit për Ndryshimet në Rregulloren e Punës me qëllim të mundësimit të funksionimit të Kuvendit në kushtet e epidemisë Covid 19 do të mbahet në 23 nëntor 2020, dhe seanca për zgjedhjen e Qeverisë së re më 2 dhjetor, 2020,” shkroi Beçiq në Twitter.
